guruvayooronline.com

ഗുരുവായൂര്‍: ക്ഷേത്രത്തില്‍ ശീവേലി എഴുന്നള്ളിപ്പ് കഴിഞ്ഞ് ക്ഷേത്രത്തിനു പുറത്ത് തെക്കേനടയില്‍ കെട്ടിയിരുന്ന കൊമ്പന്‍ അയ്യപ്പന്‍കുട്ടി ഒരുമണിക്കൂറോളം പരാക്രമം കാട്ടി. വ്യാഴാഴ്ച ഉച്ചയോടെ ആനയെ പാപ്പാന്മാര്‍ കുളിപ്പിക്കാന്‍ നോക്കിയപ്പോഴായിരുന്നു അയ്യപ്പന്‍കുട്ടി അനുസരണക്കേട് കാട്ടിയത്. ഒച്ചവെച്ചും തുമ്പി നീട്ടിയും ആന പ്രശ്‌നമുണ്ടാക്കിയപ്പോള്‍ ആളുകള്‍ ഓടിക്കൂടി. രണ്ടുവര്‍ഷംമുമ്പ് ക്ഷേത്രത്തില്‍ നടയിരുത്തിയ സമയത്ത് ക്ഷേത്രത്തിനകത്തേയ്ക്ക് ഓടിപ്പോയ ആനയാണിത്.

ഗുരുവായൂര്‍:കേരള റിയല്‍ എസ്റ്റേറ്റ് ഏജന്റ്‌സ് അസോസിയേഷന്‍ മേഖലാ സമ്മേളനം പോളി ഫ്രാന്‍സിസ് ചക്രമാക്കില്‍ ഉദ്ഘാടനം ചെയ്തു. ശശി വല്ലാശ്ശേരി അധ്യക്ഷനായി. ഗോപാലകൃഷ്ണന്‍, പി.എ. അപ്പുക്കുട്ടന്‍, വി.വി. സജി, കെ.വി. വാസു, റസ്സല്‍, ഉണ്ണികൃഷ്ണന്‍ ചീനത്ത്, രാജേന്ദ്രന്‍ കണ്ണത്ത്, ഉണ്ണികൃഷ്ണന്‍ മത്രംകോട്ട് എന്നിവര്‍ പ്രസംഗിച്ചു.

ഗുരുവായൂര്‍: ഗുരുവായൂര്‍ കലാക്ഷേത്രയില്‍ നൃത്തപരിശീലനം ആരംഭിച്ചു. ചങ്കത്ത് മൂകാമിയമ്മ ഉദ്ഘാടനം ചെയ്തു. ശങ്കര്‍ കുന്നംകുളം, ഇന്ദു, രവി ചങ്കത്ത്, ചന്ദ്രന്‍ ചങ്കത്ത്, മുരളി വടക്കൂട്ട്, ശ്രീനാരായണന്‍, ഗുരുവായൂര്‍ ജയപ്രകാശ്, ബാലകൃഷ്ണന്‍ നായര്‍ എന്നിവര്‍ പ്രസംഗിച്ചു.

ഗുരുവായൂര്‍: കലാകാരന്മാര്‍ക്ക് ആദരവും അമ്മമാര്‍ക്ക് പെന്‍ഷനും നല്‍കി കരുണ ഫൗണ്ടേഷന്റെ കലാകാരുണ്യസംഗമം ശ്രദ്ധേയമായി. പ്രമുഖ വ്യവസായി ഹൈദര്‍ ഹാജി ഉദ്ഘാടനം ചെയ്തു. കവി ഏങ്ങണ്ടിയൂര്‍ ചന്ദ്രശേഖരന്‍, ഓട്ടന്‍തുള്ളല്‍ കലാകാരന്‍ മണലൂര്‍ ഗോപിനാഥ് എന്നിവരാണ് ആദരിക്കപ്പെട്ടത്. ചന്ദ്രശേഖരനും ഗോപിനാഥും നാടന്‍പാട്ടുകള്‍ പാടി സദസ്സിന് ആവേശമായി. നടന്‍ ശിവജി ഗുരുവായൂര്‍ പൊന്നാട അണിയിച്ചു.

ഗുരുവായൂര്‍: ആനക്കോട്ടയില്‍ കൊമ്പന്‍ പീതാംബരന്‍ ചങ്ങല പൊട്ടിച്ച് അക്രമം കാട്ടി. തൊട്ടടുത്തുനിന്നിരുന്ന കൊമ്പന്‍ ശേഷാദ്രിയെ കുത്താന്‍ ശ്രമിച്ചു. പാപ്പാന്മാര്‍ ഓടിയെത്തി ആനയെ അനുനയിപ്പിച്ചശേഷം തളയ്ക്കുകയായിരുന്നു. ചൊവ്വാഴ്ച ഉച്ചയ്ക്കായിരുന്നു സംഭവം.

പ്രപഞ്ചം സുഖദുഃഖസമ്മിശ്രമാണ്. ജീവിതദശ മുഴുവന്‍ സുഖമോ, ദുഃഖമോ മാത്രം അനുഭവിക്കുന്നവരുണ്ടോ? ഒരിക്കലുമില്ല. ഒരു വ്യക്തിയുടെ ജനനം മുതല്‍ മരണം വരെയുള്ള സുഖദുഃഖങ്ങള്‍ അവന്റെ ജനനസമയത്തെ ഗ്രഹനിലയെ ആശ്രയിച്ചിരിക്കും എന്നാണ് ആചാര്യന്മാരുടെ സിദ്ധാന്തം. നഭസ്സില്‍ അതിവേഗത്തില്‍ കറങ്ങികൊണ്ടിരിക്കുന്ന ജ്യോതിശ്ചക്രത്തില്‍ സ്ഥിതിചെയ്യുന്ന ആദിത്യാദി നവഗ്രഹങ്ങളുടെ ആത്മീയശക്തി അനുസരിച്ചായിരിക്കും ആയുര്‍ബലവും മറ്റു ഭാഗ്യാദികളും. ലോകത്തില്‍ കാണുന്ന സ്ഥിതിഭേദങ്ങള്‍ക്കും കാലവ്യതിയാനങ്ങള്‍ക്കും നിദാനവും അതുതന്നെയാണ്. ഏതു പ്രവൃത്തിയും ശുഭമുഹൂര്‍ത്തത്തില്‍ വെച്ചിട്ടുള്ളതിന്റെ തത്വം അതുതന്നെ. നവഗ്രഹങ്ങളുടെ സ്ഥിതിഭേദങ്ങള്‍ കണ്ടുപിടിച്ച് ശുഭാശുഭങ്ങളേയും മറ്റും നിര്‍ണ്ണയിക്കുന്നതിനുള്ള മാര്‍ഗ്ഗങ്ങളെ (സിദ്ധാന്തങ്ങളെ) പ്രതിപാദിക്കുന്ന ശാസ്ത്രമാണ് ജ്യോതിശാസ്ത്രം. അതിഗഹനമായ ജ്യോതിശാസ്ത്രപ്രമേയങ്ങളെ സുഗ്രഹമാക്കുന്നതിന് പണ്ഡിതന്മാര്‍  ഭാരതീയരും  വിശിഷ്യ കേരളീയരും  അനവധി ഗ്രന്ഥങ്ങള്‍ നിര്‍മ്മിച്ചിട്ടുണ്ട്.